„ძლიერი საქართველოს“ წევრის, ლანა გალდავას განცხადებით, მედიის მიმართულებით ხელისუფლების მიერ დაინიცირებული ცვლილებები აბსოლუტურად რეპრესიული ხასიათისაა.

როგორც გალდავამ აღნიშნა, როდესაც ხელისუფლება შეიცვლება, ეს კანონებიც გაუქმდება.

„კანონების დაჩქარებული წესით მიღებას ყოველთვის უნდა ჰქონდეს საფუძველი. ეს „ქართული ოცნებისთვის“ დისკომფორტის შემქმნელია და კანონების გამკაცრებაში გამოიხატება. რაც შეეხება მედიის მიმართულებით დაინიცირებულ ცვლილებებს, ეს არის აბსოლუტურად რეპრესიული ხასიათის. თუ დასაწყისში ფინანსურად გუდავდნენ მედიებს, ახლა აპირებენ ცენზურის ოფიციალურად დაკანონებას. მთლიანობაში „ქართული ოცნება“ ვერ იტანს კრიტიკულ მედიას, კრიტიკულ აზრს, მაგრამ მე მათ ვეუბნები, ყოველთვის, როდესაც ხელისუფლებები კანონების გამკაცრებასთან დაკავშირებით მსგავს ზომებს მიმართავენ, მითუმეტეს მიზეზების გარეშე, არაგანჭვრეტადი შედეგებით, ეს ყოველთვის იწვევს უკუეფექტს. უკუეფექტი იქნება ის, რომ უფრო მეტი ადამიანი აღივსება კრიტიკული აზრით, უფრო მეტი ჟურნალისტი გააკეთებს კრიტიკულ განმარტებებს. შესაბამისად, როდესაც ხელისუფლება შეიცვლება, ეს კანონებიც გაუქმდება“, - განაცხადა გალდავამ.

ცნობისთვის, ფრაქცია „ქართული ოცნების“ თავმჯდომარის, მამუკა მდინარაძის განცხადებით მმართველი გუნდი მუშაობას იწყებს და მალე დაინიცირდება „მედიის კანონი“, რომელსაც ბრიტანული მოდელისა და კანონმდებლობის შესაბამისად მიიღებენ.

ავტორი: ექსპრესნიუსი,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს