არგენტინის მთავრობამ განაცხადა, რომ გეგმავს ჯანდაცვის მსოფლიო ორგანიზაციის (WHO) დატოვებას. როგორც პრეზიდენტის პრესსპიკერმა აღნიშნა, ეს გადაწყვეტილება მიღებულია ჯანმოსთან „ჯანდაცვის მართვასთან დაკავშირებული განსხვავებული პოზიციების“ გამო, განსაკუთრებით კი COVID-19-ის პანდემიის პერიოდში მიღებული ზომების კონტექსტში.

არგენტინის მთავრობის განცხადებით, "დღეს, სამეცნიერო მტკიცებულებები მიუთითებს, რომ ჯანმოს წესები არ მუშაობს, რადგან ისინი პოლიტიკური გავლენის შედეგია." და მათი აღსრულება ზოგიერთ შემთხვევაში არგენტინის ჯანდაცვის პოლიტიკის განხორციელებას ართულებდა. პრესსპიკერმა მანუელ ადორნიმ განაცხადა: „არგენტინა მიიჩნევს, რომ საჭიროა მეტი მოქნილობა ჯანდაცვის პოლიტიკის განსაზღვრაში და რესურსების დამოუკიდებლად მართვა".

ეს ნაბიჯი მოჰყვება აშშ-ის მიერ მიღებულ ანალოგიურ გადაწყვეტილებას, რომლის თანახმადაც ქვეყანამ ჯანმოდან გასვლის პროცესი დაიწყო.

ფინანსური თვალსაზრისით, არგენტინა წელიწადში დაახლოებით 8 მილიონ დოლარს გასცემდა ჯანმოს ბიუჯეტში, რაც ორგანიზაციის $6-მილიარდიან ფინანსებში მცირე წილს შეადგენდა.

არგენტინული მედიის ცნობით, პრეზიდენტი მილეი უახლოეს დღეებში ხელს მოაწერს ბრძანებას, რომელიც ოფიციალურად დაიწყებს ქვეყნის ჯანმოდან გასვლის პროცესს. ამასთან, მიმდინარეობს მსჯელობა სხვა საერთაშორისო შეთანხმებების გადახედვასთან დაკავშირებით, მათ შორის, პარიზის კლიმატის შეთანხმებიდან გასვლის საკითხზეც. მთავრობის წარმომადგენლებმა ამ თემაზე დამატებითი დეტალების გაჟღერებისგან თავი შეიკავეს, თუმცა აღნიშნეს, რომ ნებისმიერი გადაწყვეტილება არგენტინის ინტერესებზე იქნება დაფუძნებული.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს