აშშ-ის პრეზიდენტის, დონალდ ტრამპის ადმინისტრაცია „ეფბიაის“ მაღალჩინოსნებს თანამდებობებიდან გადადგომას ან პენსიაზე გასვლას სთხოვს, წინააღმდეგ შემთხვევაში, მათ სამსახურიდან გაათავისუფლებენ.

ამის შესახებ ინფორმაციას CBS News-ი ანონიმურ წყაროებზე დაყრდნობით ავრცელებს.

საუბარია „ეფბიაის“ მაღალჩინოსნებზე, მათ შორის ზოგიერთი აღმასრულებელი დირექტორის მოადგილეა, ასევე არიან ეროვნული უსაფრთხოების, კრიმინალური და კიბერსაკითხებზე პასუხისმგებელი პირები.

მაღალჩინოსანთა გათავისუფლებაზე საუბარი მას შემდეგ დაიწყო, რაც პრეზიდენტ დონალდ ტრამპის მიერ უწყების ხელმძღვანელის პოსტზე დასახელებულმა კანდიდატმა, კეშ პატელმა სენატის დაზვერვის კომიტეტის წინაშე მოსმენაზე ჩვენება მისცა.

„არასდროს გავაკეთებ რაიმე არაკონსტიტუციურს ან უკანონოს, არც არასდროს გამიკეთებია,“ – განაცხადა კეშ პატელმა და დასძინა, რომ „ყოველთვის დაემორჩილება კანონს“.

CBS News – ის ინფორმაციით, ტრამპის ადმინისტრაციამ მსგავსი მოთხოვნები გასულ კვირას იუსტიციის დეპარტამენტის ეროვნული უსაფრთხოებისა და კრიმინალური განყოფილების თანამდებობის პირებს წაუყენა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს