თბილისის საქალაქო სასამართლოსთან კულტურის სფეროს წარმომადგენლები შეიკრიბნენ. მათ დაკავებულ პატიმრებს სოლიდარობა გამოუცხადეს და აღნიშნეს, რომ წინააღმდეგობა გაგრძელდება.

„ჩვენ აქ შევიკრიბეთ არა მხოლოდ ჩვენი მეგობრის, კოლეგის, რეჟისორის გურამ მაცხონაშვილის მხარდაჭერის მიზნით, არამედ უკანონოდ დაკავებული 52 პირის მხარდაჭერის მიზნით, რომ სასამართლოს, მოძალადე ხელისუფლებას ვუთხრათ, შეწყვიტონ ძალადობა იმიტომ, რომ ძალადობის ყოველი ახალი ტალღა წინააღმდეგობის ახალ ტალღას გამოიწვევს. ჩვენ ვიდგებით ყოველი უკანონოდ დაკავებულისა და დაზარალებულის გვერდით. ჩვენ ვდგავართ დემოკრატიის სადარაჯოზე, ამიტომაც არ დავიღლებით. თუკი იწყება ტერორის ახალ რაუნდი, მაშინ ბევრად ეფექტური წინააღმდეგობის ახალი რაუნდიც დაიწყება. საზოგადოებას კი მივმართავთ და ვთხოვთ მხნეობას, მხარდაჭერასა და სოლიდარობას. წინააღმდეგობა აუცილებლად გაგრძელდება“,-განაცხადა აქციის ერთ-ერთმა მონაწილემ.

აქციის კიდევ ერთი მონაწილის ირინა ჟორდანიას განცხადებით, საქართველოში ძალადობის ნორმალიზება ვერ მოხდება.

„დღეს ჩვენს თვალწინ მიმდინარეობს სასამართლოს მხრიდან უკანონობის დაკანონება, ხოლო ხელისუფლების მხრიდან ძალადობის ნორმალიზება. ჩვენ ამას არ შევეგუებით და წინააღმდეგობა გაგრძელდება. სოლიდარობა რეჟიმის ტყვეებს, სოლიდარობა ყველა უკანონოდ დაკავებულს“,-განაცხადა ირინა ჟორდანიამ.

ავტორი: ექსპრესნიუსი,

სოციალური ქსელები

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა

მოსკოვის მერის თქმით, რუსეთის დედაქალაქზე დრონებით იერიში მიიტანეს

რუტემ სამხედრო შესყიდვებისთვის ნატოს „ერთიანი ფანჯრის“ შექმნის შესახებ განაცხადა