თბილისის საქალაქო სასამართლოში, სადაც საპროტესტო აქციების დროს ჯგუფური ძალადობის ბრალდებით დაკავებული პირების პროცესი მიმდინარეობს, ირაკლი მიმინოშვილმა უჰაერობის გამო დარბაზის დატოვება ითხოვა.

მიმდინარე პროცესზე დაკავებულების ნაწილმა წყალი მოითხოვა, თუმცა მოსამართლე ირაკლი ხუსკივაძემ ადვოკატებს შესვენების გარეშე გამოსვლის უფლება არ მისცა და წყლის მოტანა მანდატურს დაავალა.

ერთ-ერთმა დამსწრემ ადვოკატს გაუწოდა გახსნილი ბოთლი, რაზეც ადვოკატმა გუჯა ავსაჯანიშვილმა პასუხად იკითხა: „თქვენ დალევდით ასე მოწოდებულს?“. ამის შემდეგ ავსაჯანიშვილმა დარბაზი მაინც დატოვა, რომ წყალი თავად მოეტანა.

პროცესის მსვლელობისას ადვოკატმა შოთა თუთბერიძემ ირაკლი მიმინოშვილისთვის სასწრაფო დახმარება გამოიძახა, რადგან დაკავებული თავს შეუძლოდ გრძნობდა.

სასამართლო პროცესი შეფერხებებით გრძელდება. მოსამართლე ხუსკივაძე დაკავებულთა და ადვოკატების შუამდგომლობებს განიხილავს, თუმცა პროცესი კვლავ დაძაბულ ატმოსფეროში მიმდინარეობს.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს