ირანში მძევლად აყვანილი ჩვენი თანამემამულეების მდგომარეობა მიუღებელია, - ამის შესახებ საფრანგეთის საგარეო საქმეთა მინისტრმა, ჟან-ნოელ ბარომ ფრანგ დიპლომატებთან შეხვედრაზე განაცხადა.

„ისინი რამდენიმე წელია უსამართლოდ არიან დაკავებულები, არასათანადო პირობებში იმყოფებიან, რაც ზოგიერთის მტკიცებით საერთაშორისო სამართლის შესაბამისად წამების განმარტებას შეესაბამება“, - განაცხადა ჟან-ნოელ ბარომ.

ჟან-ნოელ ბარომ საფრანგეთის მოქალაქეებს ირანში მოგზაურობისგან თავის შეკავებისკენ მოუწოდა.

„მივმართავ ირანის ხელისუფლებას: ჩვენი მძევლები უნდა გათავისუფლდნენ. ჩვენი ორმხრივი ურთიერთობები და სანქციების მომავალი ამაზეა დამოკიდებული“, - აღნიშნა საფრანგეთის საგარეო საქმეთა მინისტრმა.

საფრანგეთის ხელსუფლების ცნობით, ირანში საფრანგეთის სამი მოქალაქეა დაკავებული.

სესილ კოლერი და მისი პარტნიორი ჯაკ პარიზი ჯაშუშობის ბრალდებით 2022 წლის მაისის შემდეგ არიან დაკავებულები. ასევე, ირანის მიერ დაკავებული საფრანგეთის კიდევ ერთი მოქალაქე, სახელად ოლივიე, 2022 წლის ოქტომბრიდან პატიმრობაში იმყოფება.

ავტორი: ექსპრესნიუსი,

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში