გამორიცხული არ არის, მაგდა პაპიძეს ფსიქიატრიული ექსპერტიზა ჩაუტარდეს. როგორც პაპიძის ადვოკატი მარიამ ფხალაძე "კურიერთან" საუბრისას აცხადებს, ამ ეტაპზე მოცემულობა არ არსებობს იმისა, რომ ფსიქიატრიული ექსპერტიზის ჩატარების საკითხი დააყენონ, თუმცა თუკი მდგომარეობა არ შეიცვლება, ექსპერტიზაზე იფიქრებენ. კერძოდ, ადვოკატის თქმით, მაგდა პაპიძეს ჰგონია, რომ  მისი შვილი ცოცხალია და ითხოვს, მას  სასაფლაოს ფოტო აჩვენონ.

"ითხოვდა ციხის ადმინისტრაციისგანაც და ჩვენგანაც, რომ შეგვეგზავნა მისთვის მისი შვილის სურათები, თუკი ის გარდაცვლილი იყო. პოზიცია იყო ასეთი, რომ მე კარგად მახსოვს, რომ ჩემი შვილი ჯერ იყო თბილი, როცა მე იქ დავტოვე. ამ ეტაპზე არ გვაქვს ის მოცემულობა, რომ დავაყენოთ მისი ფსიქიატრიული ექსპერტიზის ჩატარების საკითხი, თუკი არ შეიცვლება მდგომარეობა და რაღაცა უარესობისკენ წავა სიტუაცია, შემდეგ შევხედავთ", - განაცხადა მარიამ ფხალაძემ.

შეგახსენებთ, მაგდა პაპიძე მეუღლისა და შვილის მკვლელობაშია ბრალდებული. რამდენიმე კვირის წინ, პაპიძის საქმეზე საქართველოს მთავარმა პროკურატურამ შუალედური  ანგარიში გამოაქვეყნა, სადაც ნათქვამია, რომ  ბრალდებულმა პაპიძემ საკუთარი მეუღლე თავში უროს ჩარტყმით მოკლა, ხოლო შვილი გაგუდა და ამავე დროს კვალის დაფარვა სცადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა