არჩევნები მოპარული იქნა, ის გაყალბდა და მათი მომავალიც მოპარული იქნა - მათი ოცნებაც მოპარული იქნა,- ამის შესახებ ევროპარლამენტარმა, ნატალი ლუაზომ ევროპარლამენტში საქართველოს შესახებ გამართულ დებატებზე სიტყვით გამოსვლისას განაცხადა. 

როგორც ლუაზომ განაცხადა, "ქართული ოცნება" მუდმივად იმეორებს, რომ საქართველო ევროპულია და არ არის რუსეთი, თუმცა ლუაზოს თქმით, ის ამას ვერ ხედავს.

"ძვირფასო კოლეგებო, ჩვენ დავყრუვდით და არ გვესმის, რას ამბობენ დემონსტრანტები საქართველოში უკვე მერამდენე დღეა? არჩევნები მოპარული იქნა, ის გაყალბდა და მათი მომავალიც მოპარული იქნა - მათი ოცნებაც მოპარული იქნა.

"ქართული ოცნება" მუდმივად იმეორებს, რომ საქართველო ევროპულია და არ არის რუსეთი, მაგრამ საქმეზე ამას ვერ ვხედავ. ჩვენ ვხედავთ რეპრესიებს მშვიდობიანი დემონსტრანტების წინააღმდეგ, ჟურნალისტების ცემასა და ოპოზიციონერების დაპატიმრებას.

ჩვენ ვხედავთ, რომ ქვეყნის თავზე ღრუბლები იკვრება და ნუთუ, ჩვენ არ შეგვიძლია, რომ დავეხმაროთ და ხელი შევუშალოთ "ოცნებას", რომ დაასამაროს ნამდვილი ქართული ოცნება? ქალბატონი ზურაბიშვილი იბრძვის თავისი ქვეყნის დემოკრატიული მომავლისთვის. საქართველოს ადგილი ევროპული დემოკრატიების ოჯახშია და სალომე ზურაბიშვილი პლენარულ სხდომაზეც ისაუბრებს ამაზე. ჩვენ უნდა დავამტკიცოთ, რომ მათ ტყუილად არ აქვთ ჩვენი იმედი",- განაცხადა ლუაზომ [სინქრონული თარგმანი].

შეგახსენებთ, ევროპარლამენტში საქართველოს შესახებ დებატები გაიმართა.

ავტორი: ექსპრესნიუსი,

სოციალური ქსელები

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი

ქუთაისში, იოსელიანის ქუჩაზე ხარაჩო ჩამოიშალა და მუშა მოიყოლა, ის გარდაიცვალა