საგარეო საქმეთა მინისტრი, მიხეილ ჯანელიძე გაერო-ს უმაღლეს კომისარს ადამიანის უფლებათა დაცვის საკითხებში ზეიდ რაად ალ-ჰუსეინს შეხვდა.
შეხვედრა გაერო-ს ადამიანის უფლებათა საბჭოს სესიის ფარგლებში გაიმართა. უმაღლესმა კომისარმა მიულოცა საქართველოს გაერო-ს ადამიანის უფლებათა საბჭოს წევრად არჩევა 2016-2018 წწ ვადით. თავის მხრივ საქართველოს საგარეო საქმეთა მინისტრმა აღნიშნა, რომ ქვეყანა მზად არის საკუთარი წვლილი შეიტანოს მსოფლიოში ადამიანის უფლებადა საკითხებზე ორგანიზაციის დღის წესრიგის ეფექტურად განხორციელებისათვის.
გაერო-ს უმაღლეს კომისართან შეხვედრაზე ისაუბრეს საქართველოში ადამიანის უფლებების დაცვის მხრივ არსებულ ვითარებაზე, კმაყოფილებით აღინიშნა ხელისუფლების მიერ ამ მიმართულებით გადადგმული ნაბიჯები მათ შორის, ადამიანის უფლებათა დაცვის საკითხებში სახელმწიფო სტრატეგიის დამტკიცება. ისაუბრეს  შესაბამისი საკანონმდებლო თუ უწყებრივ რეფორმებზე, რაც ემსახურება  ქვეყანაში კანონის უზენაესობის და ადამიანის უფლებების დაცვას.
შეხვედრაზე განსაკუთრებული ყურადღება დაეთმო ადამიანის უფლებათა დაცვის კუთხით საქართველოს ოკუპირებულ რეგიონებში შექმნილ მძიმე ვითარებას. აღინიშნა, რომ აფხაზეთსა და ცხინვალის რეგიონში მცხოვრები მოსახლეობის ფუნდამენტური უფლებების დაცვის კუთხით, განსაკურებულ აქტუალობას იძენს ადგილზე საერთაშორისო მექანიზმების არსებობა.
მინისტრმა მადლობა გადაუხადა უმაღლეს კომისარს საქართველოსთან ნაყოფიერი თანამშრომლობისთვის და ჩვენს ქვეყანაში ადამიანის უფლებათა საკითხების გაუმჯობესების პროცესში მისი ოფისის აქტიური ჩართულობისთვის. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლოს კანცელარიის დაცვის მცდელობის საქმეზე ალეკო ელისაშვილს 13-წლიანი პატიმრობა მიესაჯა

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში