ლანდსბერგისი - მომიტინგეების მიმართ ძალადობის დონე მიუღებელია, ეს არ არის პირველი შემთხვევა და დროა, პასუხი აგონ

2024-12-04 13:21:11, 468 ნახვა

პოლიტიკა

მომიტინგეების მიმართ ძალადობის დონე მიუღებელია, ეს არ არის პირველი შემთხვევა და დროა, პასუხი აგონ,- ამის შესახებ ლიეტუვის საგარეო საქმეთა მინისტრმა, გაბრიელიუს ლანდსბერგისმა ბრიუსელში განაცხადა.

როგორც ლანდსბერგისმა აღნიშნა, მომდევნო საბჭოზე საქართველოს საკითხი დღის წესრიგში იქნება და დიდი ალბათაობით, საქართველოს „არალეგიტიმური ხელისუფლების წინააღმდეგ დამატებითი ზომები იქნება მიღებული“.

„ქართულმა ოცნებამ“ და მთავრობამ არაერთი ნაბიჯი გადადგა, რათა ევროპელებისთვის ეთქვათ, რომ მათ აღარ სურთ ევროპაში ყოფნა. თქვენ იცით, მიიღეს „უცხოური აგენტების შესახებ“ კანონი, მიიღეს გადაწყვეტილებები და გადაიდგა ნაბიჯები, რომლებიც უკვე რეალურად აჩვენებდა, რის გაკეთებას ცდილობდა „ქართული ოცნება“ - საქართველოს ევროკავშირის უღელტეხილიდან გამოსაყვანად.

პროცესის გაჩერება იყო ბუნებრივი შედეგი მათი წინა ნაბიჯებისა. ეს იყო მკაფიო გზავნილი ხალხისთვის და ამიტომ მივედით სანქციებამდე. მომიტინგეების მიმართ ძალადობის დონე მიუღებელია, ეს არ არის პირველი შემთხვევა და დროა, პასუხი აგონ. მიხარია, რომ ბალიტიისპირეთის ქვეყნები შევთანხმდით, შევადგინეთ სანქცირებულთა სია. იმედი მაქვს, ეს იქნება ბიძგისმიმცემი ევროკავშირის სხვა მოკავშირეებისთვის, რომ მათაც დააწესონ სანქციები.

რაც შეეხება ვიზალიბერალიზაციას, ასეთი გადაწყვეტილება ევროკავშირის დონეზე მიიღება. მომდევნო საბჭოზე საქართველო იქნება დღის წესრიგში, განვიხილავთ, რას მოვიმოქმედებთ. კაია კალასი მზადაა, მოისმინოს ვარიანტები და მხარს დავუჭერთ დამატებითი ზომების მიღებას",- ამბობს ლანდსბერგისი.