2024-12-03 09:44:00, 414 ნახვა

---

პრეზიდენტი - ინფორმაცია, თითქოს უკრაინაში მყოფი ქართველი ჯარისკაცები ჩამოვიდოდნენ და საპროტესტო აქციებს შეუერთდებოდნენ - სრული პროპაგანდა

საქართველოს პრეზიდენტი სალომე ზურაბიშვილი „ქართული ლეგიონის“ განცხადებას ეხმაურება, სადაც ისინი რუსულ დეზინფორმაციად აფასებენ და უარყოფენ ინფორმაციას იმასთან დაკავშირებით, რომ საქართველოში ჩამოსვლას და საპროტესტო აქციებში მონაწილეობას გეგმავენ.

ზურაბიშვილის განცხადებით, ერთადერთი ომი არის ის, რაც „ქართულმა ოცნებამ“ „ქართველი ხალხის წინააღმდეგ დაიწყო“.

„ძალიან მნიშვნელოვანი ოფიციალური უარყოფა ყალბი ინფორმაციის შესახებ, თითქოს უკრაინაში მყოფი ქართველი ჯარისკაცები ჩამოვიდოდნენ და საპროტესტო აქციებს შეუერთდებოდნენ. სრული პროპაგანდა. ერთადერთი ომი არის ის, რაც „ქართულმა ოცნებამ“ ქართველი ხალხის წინააღმდეგ დაიწყო“, - წერს ზურაბიშვილი.

შეგახსენებთ, „ქართული ლეგიონი“ ავრცელებს განცხადებას, რომელშიც ნათქვამია, რომ ცნობები, თითქოს ლეგიონი საქართველოში ჩამოსვლას გეგმავს, რუსული დეზინფორმაციაა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი