პროტესტის მთავარი არსი არის ის, რომ "ქართული ოცნების" ხელით, რუსთმა ქვეყანაში სახელმწიფო გადატრიალება მოაწყო,- ამის შესახებ “კოალიცია ცვლილებისთვის“ ერთ-ერთმა ლიდერმა, ელენე ხოშტარიამ "ექსპრესნიუსთან“ საუბრისას თბილისში, ჭავჭავაძის გამზირზე განაცხადა, სადაც კარვებია გაშლილი და 24-საათიანი პროტესტია დაგეგმილი. 

ხოშტარიას თქმით, პროტესტის ფორმებს საზოგადოება ეტაპობრივად გაიგებს.

"პროტესტის მთავარი არსი არის ის, რომ "ქართული ოცნების" ხელით, რუსთმა ქვეყანაში სახელმწიფო გადატრიალება მოაწყო. მათ მიიტაცეს ძალაუფლება, გაამრუდეს, გააყალბეს ხალხის  ნება. შესაბამისად, ჩვენი ვალია, განსაკუთრებულად იმ პარტიებისა, ვინც ხალხის მანდატი მივიღეთ, რომ ეს ძალაუფლება დავუბრუნოთ ხალხს. ამას აქვს სხვადასხვა ფორმა და ერთ-ერთი უნიშვნელოვანესი ფორმა ეს არის, მათ შორის, ქუჩის პროტესტი.

ქუჩის პროტესტი გუშინ არ დაწყებულა, სხვადასხვა ფორმები ჰქონდა, მაგრამ გუშინ დავიწყეთ კიდევ ახალი ეტაპი ამ ქუჩის პროტესტის, ეს არის პარალიზება ქალაქის. მე მესმის, რომ შეიძლება ადამიანებს დისკომფორტი შეექმნათ, მაგრამ დისკომფორტი აქვს ქვეყანას. შესაბამისად, ჩვენ ვალდებული ვართ, ვიმოქმედოთ. ამ პროტესტის ფორმებს ეტაპობრივად გაიგებს საზოგადოება, როდის რა ნაბიჯებს გადავდგამთ",- განაცხადა ელენე ხოშტარიამ.

შეგახსენებთ, გუშინ, 17 ნოემბერს თბილისში, ჭავჭავაძის გამზირზე კარვები გაშალეს. აქციის მონაწილეებმა, რომლებიც 26 ოქტომბრის საპარლამენტო არჩევნების შედეგებს არ აღიარებენ და ხელახალ არჩევნებს ითხოვენ, პროტესტის ნიშნად ღამე თბილისის სახელმწიფო უნივერსიტეტის პირველი კორპუსის მიმდებარე ტერიტორიაზე, გაშლილ კარვებში გაათენეს. ცნობილია, რომ ჭავჭავაძის გამზირზე პროტესტის ეს ფორმა 20:00 საათამდე გაგრძელდება.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით