2024-11-07 16:48:22, 399 ნახვა
პოლიტიკა
მაკრონი - მოლდოვასა და საქართველოში დემოკრატიაზე არაერთი თავდასხმა მოხდა
მოლდოვასა და საქართველოში დემოკრატიაზე არაერთი თავდასხმა მოხდა, - ამის შესახებ საფრანგეთის პრეზიდენტმა, ემანუელ მაკრონმა ევროპის პოლიტიკური გაერთიანების სამიტზე სიტყვით გამოსვლისას განაცხადა.
როგორც მაკრონმა აღნიშნა, საარჩევნო კამპანიის დროს და კენჭისყრის დღეს სერიოზული დარღვევები დაფიქსირდა.
"მოლდოვასა და საქართველოში დემოკრატიაზე არაერთი თავდასხმა მოხდა: კიბერშეტევები, ამომრჩევლების მოსყიდვა, მანიპულირება. ეს ყველა დამკვირვებელმა აღნიშნა. მინდა მივულოცო მაია სანდუს ხელახალი არჩევა და ასევე იმედი მაქვს, რომ საქართველო გააძლიერებს თავის ევროპულ არჩევანს და თავის დემოკრატიულ მოდელს",- განაცხადა ემანუელ მაკრონმა.
ავტორი: ექსპრესნიუსი,
epn.ge (@expressnews.ge)
