დღეს, 18:00 საათიდან საოლქო საარჩევნო კომისიებში, ხმის ფარულობასთან დაკავშირებით, „საქართველოს ახალგაზრდა იურისტთა ასოციაციის“ (საია) საჩივრების განხილვა ჩაინიშნა. ამის შესახებ საია განცხადებას ავრცელებს.

საიას ცნობით, მათ უკვე წარუდგინეს კომისიებს საჩივრები, რომლითაც ითხოვენ  იმ 2 263 საარჩევნო უბნის შედეგების ბათილად ცნობას, სადაც პროცესი ტექნოლოგიური საშუალებებით ჩატარდა.

"ჩვენი იურისტები მზად არიან, მტკიცებულებებითა და არგუმენტებით დაამტკიცონ, რომ 2024 წლის საპარალამენტო არჩევნებზე ხმის მიცემის ფარულობა მასობრივად დაირღვა. 

პირველ ეტაპზე, საოლქო საარჩევნო კომისიებში ვიდავებთ, ხოლო შემდეგ საქმე საერთო სასამართლოებში გადავა. საიას მიერ წარდგენილი საჩივრების დაკმაყოფილება გამოიწვევს ხელახალი არჩევნების ჩატარებას, რადგან ტექნოლოგიური უბნების შედეგების ბათილობა არსებით გავლენას ახდენს არჩევნების შედეგზე",- აღნიშნულია საიას განცხადებაში.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა