2024-09-13 13:31:45, 415 ნახვა
მსოფლიო
საფრანგეთის საგარეო საქმეთა სამინისტროში ირანის რწმუნებული დაიბარეს
საფრანგეთის საგარეო საქმეთა სამინისტროში, რუსეთისთვის ბალისტიკური რაკეტების სავარაუდო გადაცემის გამო, ირანის რწმუნებული დაიბარეს. ამის შესახებ ინფორმაციას Reuters-ი დიპლომატიურ წყაროზე დაყრდნობით ავრცელებს.
მედიის ცნობით, ირანი რუსეთისთვის ბალისტიკური რაკეტების გადაცემას უარყოფს.
"რუსეთმა ირანისგან ბალისტიკური რაკეტები მიიღო და სავარაუდოდ, მათ რამდენიმე კვირაში უკრაინის წინააღმდეგ გამოიყენებს. საუბარია მოკლე რადიუსის მოქმედების Fath-360-ის ტიპის რაკეტებზე. რაკეტების მოქმედების მანძილი 120 კილომეტრია", - განაცხადა მიმდინარე კვირას ამერიკის შეერთებული შტატების სახელმწიფო მდივანმა, ენტონი ბლინკენმა.
ავტორი: ექსპრესნიუსი,
epn.ge (@expressnews.ge)
