იუსტიციის სამინისტროს სსიპ „დანაშაულის პრევენციის ცენტრმა“ ახალი პროექტის - „მოხალისე ტრენერები დანაშაულის პრევენციისთვის“ - პრეზენტაცია გამართა.

პროექტის მონაწილე ტრენერებს დანაშაულის პრევენციის ცენტრის დირექტორი ირაკლი ხელაძე  შეხვდა. მან მადლობა გადაუხადა მოხალისეებს პროექტში ჩართვისთვის და წარმატებები უსურვა.

დანაშაულის პრევენციის ცენტრის ინფორმაციით, მოხალისეები აქტივობებს დაგეგმავენ და განახორციელებენ ქვეყნის მასშტაბით, როგორც  იუსტიციის სახლებსა და საზოგადოებრივ ცენტრებში, ისე საჯარო სკოლებში. 200-ზე მეტი აპლიკანტისგან შეირჩა 80 ტრენერი. შეხვედრაზე მოხალისე ტრენერები გაეცნენ იუსტიციის სამინისტროს დანაშაულის პრევენციის ცენტრის საქმიანობას, ცენტრში მიმდინარე პროგრამების მიზნებსა და გეგმებს. პროექტი 6 თვის განმავლობაში გაგრძელდება, რის შემდეგაც ტრენერებს სერტიფიკატები გადაეცემათ. წარმატებულ ტრენერებს შესაძლებლობა მიეცემათ ინდივიდუალურად განაგრძონ თანამშრომლობა სსიპ „დანაშაულის პრევენციის ცენტრის“ ახალგაზრდული პროგრამების ფარგლებში.

პროექტის მიზანია 14 - დან 18 წლამდე მოზარდებში არაფორმალური განათლების მიღების გზით დანაშაულის ადრეული პრევენცია, სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია, მოხალისეობრივი კულტურის განვითარების ხელშეწყობა, თავისუფალი დროის სწორად წარმართვა. პროექტის ფარგლებში, კონკურსის წესით შერჩეული ტრენერები ახალგაზრდებისთვის განსაზღვრულ თემებზე ჩაატარებენ ლექცია/სემინარებს, ინტერაქტიულ ტრენინგებს, სიმულაცია/მოდელირებებს. ტრენინგების თემატიკებია  სამართალი, ფსიქოლოგია, კრიმინოლოგია, მენეჯმენტი/მარკეტინგი, მოხალისეობა, ჯანსაღი ცხოვრების წესი და სხვა. პროექტით გათვალისწინებულია შესაბამისი ტრენინგის/აქტივობის ფარგლებში შერეული ჯგუფების შექმნაც, რომლის შემადგენლობაში იქნებიან ყოფილი პატიმრების ოჯახის წევრები, განრიდების პროგრამაში ჩართული და რისკ ფაქტორების მატარებელი არასრულწლოვნები. მოხალისე ტრენერების მიერ ჩატარებულ აქტივობებს უწყვეტ მონიტორინგს გაუწევენ სსიპ „დანაშაულის პრევენციის ცენტრის“ წარმომადგენლები.

იუსტიციის სამინისტროს სსიპ „დანაშაულის პრევენციის ცენტრის“ ერთ-ერთი მიმართულებაა ახალგაზრდებში სამართლებრივი და სამოქალაქო ცნობიერების ამაღლება, მოხალისეობრივი კულტურის განვითარების ხელშეწყობა, არაფორმალური განათლების საშუალებით დანაშაულის პრევენცია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე