2024-08-14 14:37:53, 636 ნახვა
ომი უკრაინაში
ფინეთის პრეზიდენტი - უკრაინას სრული უფლება აქვს, დაიცვას თავი, მათ შორის კურსკის რეგიონში
უკრაინას სრული უფლება აქვს, დაიცვას თავი, მათ შორის კურსკის რეგიონში, რადგან რუსეთი რეგულარულად ესხმის თავს უკრაინის დედაქალაქ კიევს და დაკავებული აქვს უკრაინის ტერიტორიები,- ამის შესახებ ფინეთის პრეზიდენტმა, ალექსანდერ სტუბმა განაცხადა.
სტუბის თქმით, უკრაინას შეუძლია, გამოიყენოს ფინეთის მიერ მიწოდებული იარაღი რუსეთის ტერიტორიაზე.
“ჩვენ არანაირი შეზღუდვა არ გვაქვს, რა სახის იარაღს და რა გზით გამოიყენებს უკრაინა. უკრაინას აქვს სრული უფლება, დაიცვას საკუთარი თავი საერთაშორისო სამართლის ფარგლებში“,- აღნიშნა სტუბმა.
ავტორი: ექსპრესნიუსი,
epn.ge (@expressnews.ge)
