იმედის პრინციპი ვლადიმერ პუტინისგან არ დაგვიცავს,- ამის შესახებ გერმანიის საგარეო საქმეთა მინისტრი ანალენა ბერბოკი გერმანულ გამოცემა Bild-ში გამოქვეყნებულ კომენტარში წერს.

ბერბოკის განცხადებით, აუცილებელია გერმანიაში ამერიკის შეერთებული შტატების შორ მანძილზე მოქმედი რაკეტების განლაგება, როგორც რუსეთის შემაკავებელი საშუალება.

"ის, რაც გვიცავს, არის ჩვენი მხარდაჭერა უკრაინის მიმართ - მათთვის, ვინც მამაცურად იცავს თავის ქვეყანას. და ამით უზრუნველვყოფთ, რომ პუტინის ჯარები ჩვენთან უფრო ახლოს არ მოვიდნენ. ის, რაც ახლა გვიცავს, არის ის, რომ ჩვენ ინვესტირებას ვახორციელებთ საკუთარ უსაფრთხოებასა და ძალაში - ევროკავშირში, ნატოსა და გერმანიაში. და ეს მოიცავს გადაწყვეტილებას, რომ გერმანიაში აშშ-ის შორ მანძილზე მოქმედი სარაკეტო სისტემები განლაგდეს. რუსეთთან დაკავშირებით ჩვენ გვჭირდება საიმედო შემაკავებელი საშუალება, რომელიც ასევე იცავს პოლონელებს, ბალტიისპირეთის ქვეყნებს და ფინელებს - ჩვენს პარტნიორებს, რომლებიც რუსეთს უშუალოდ ესაზღვრებიან",- აცხადებს ანალენა ბერბოკი.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა