უკრაინის შეიარაღებული ძალების გენერალური შტაბის ინფორმაციით, უკრაინის შეიარაღებულმა ძალებმა  კიდევ ერთი დარტყმა მიაყენეს რუსეთის ფედერაციის ტერიტორიაზე არსებულ მნიშვნელოვან ობიექტებს - კერძოდ, უკრაინული ძალები თავს დაესხნენ 4 ელექტროქვესადგურს რუსეთში, კურსკის ოლქში.

გენშტაბის ცნობით, თავდასხმის შედეგად ელექტრომომარაგების შეფერხებები ფიქსირდება კურსკის და  პონიროვსკის ოლქებში, სოლნცევსკისა და კურსკის რაიონებში.

“თავდასხმები უკრაინის უშიშროების სამსახურის სპეციალური ოპერაციების ცენტრის “A“ ძალებითა და საშუალებებით (SBU-ს TsSO “A“) თავდაცვის ძალების სხვა კომპონენტებთან თანამშრომლობით განხორციელდა.

მტრის სამხედრო და ეკონომიკური პოტენციალის შელახვის ღონისძიებები გაგრძელდება მანამ, სანამ დამპყრობლები არ შეწყვეტენ შეიარაღებულ აგრესიას უკრაინელი ხალხის წინააღმდეგ. რუსული ინდუსტრია, რომელიც მუშაობს უკრაინის წინააღმდეგ ომისთვის, უკრაინის ლეგიტიმური სამიზნეა.

ეს ობიექტები, სხვა საკითხებთან ერთად,  რუსეთის რკინიგზის ფუნქციონირებას უზრუნველყოფს, რომელიც იარაღისა და სამხედრო ტექნიკის ტრანსპორტირებას მისი საოკუპაციო ჯარის მხარდასაჭერად ახორციელებს ",- წერს უკრაინის შეიარაღებული ძალების გენშტაბი.

ავტორი: ექსპრესნიუსი,

სოციალური ქსელები

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა

საქართველოში რუსულენოვანთა რაოდენობა თითქმის 19%-ით გაიზარდა

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა