2024-07-29 16:20:12, 759 ნახვა
ომი უკრაინაში
რუსეთმა დონეცკის ოლქი დაბომბა - სულ მცირე, 3 ადამიანი დაიღუპა
რუსმა ოკუპანტებმა დონეცკის ოლქის ქალაქი ტორეცკი დაბომბეს, რის შედეგადაც, სულ მცირე, 3 ადამიანი დაიღუპა, 3 კი დაშავდა. ამის შესახებ რეგიონული სამხედრო ადმინისტრაციის ხელმძღვანელმა, ვადიმ ფილაშკინმა Telegram-ზე დაწერა.
ფილაშკინის განცხადებით, დაშავებულთაგან ერთის მდგომარეობა მძიმეა.
"რუსებმა დღეს დილით ისევ დაარტყეს ქალაქს. ყველა დაშავებულს სამედიცინო დახმარება აღმოუჩინეს, ერთის მდგომარეობა მძიმეა”,- წერს ფილაშკინი.
მისივე ინფორმაციით, ერთი ადამიანი გროდოვკაშიც დაიღუპა.
გუბერნატორის თქმით, ზარალის ოდენობაზე ინფორმაცია ზუსტდება.
ავტორი: ექსპრესნიუსი,
epn.ge (@expressnews.ge)
