გერმანია „ოხმატდიტის“ ბავშვთა საავადმყოფოს აღსადგენად 10 მილიონ ევროს გამოყოფს. ამის შესახებ გერმანიის ეკონომიკური თანამშრომლობისა და განვითარების მინისტრმა, სვენია შულცმა Rheinische Post-თან ინტერვიუში განაცხადა.

მინისტრის თქმით, გამოყოფილით თანხა საავადმყოფოს სამუშაო მდგომარეობაში დაბრუნებას მოხმარდება - კერძოდ,  საუბარია შენობის ფასადების, სამკურნალო ოთახების შეკეთებასა და მოვლა-პატრონობაზე, ასევე ელექტროენერგიისა და გათბობის მიწოდებაზე.

„არ უნდა მივიღოთ ის ფაქტი, რომ უკრაინაში კიბოს მქონე ბავშვების სამკურნალო ადგილი აღარ არსებობს. ჩვენ შევთავაზეთ უკრაინის მთავრობას საავადმყოფოს რეკონსტრუქციაში დახმარება, რათა ბავშვებმა კვლავ სწრაფად მიიღონ საჭირო მკურნალობა“, - თქვა სვენია შულცმა.

შეგახსენებთ, კიევში ბავშვთა საავადმყოფო „ოხმატდიტზე" თავდასხმა რუსეთმა 8 ივლისს განახორციელა.

ავტორი: ექსპრესნიუსი,

სოციალური ქსელები

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა

ISW: რუსეთის არმიის რეალური წარმატებები უკრაინაში პუტინის მიერ განცხადებულზე ხუთჯერ ნაკლები აღმოჩნდა