გიორგი ქადაგიძე ხელისუფლების სამ შეცდომას ასახელებს

2016-02-16 23:05:55, 889 ნახვა

ეკონომიკა

გიორგი ქადაგიძე ხელისუფლების მიერ დაშვებულ სამ შეცდომაზე საუბრობს, რაც 250 მილიონი დოლარის დანაკლისს წარმოადგენს. ეროვნული ბანკის პრეზიდენტი მთავრობის 3 შეცდომად სავიზო რეჟიმის დაწესებას, მიწის პრივატიზების კანონს და სასამართლოს გადაწყვეტილებებს მიიჩნევს.

''პირველია სავიზო რეგულაციები და მხოლოდ ირანთან და ჩინეთთან სავიზო რეგულაციების გამკაცრებამ გამოიწვია, დაახლოებით, 100 მილიონი დოლარის დანაკლისი. ეს არის უფრო მეტი, ვიდრე მთლიანი ღვინის ექსპორტი იყო 2015 წელს. ეს გადაწყვეტილება ტოლფასია იმის, რომ ვინმე მისულიყო და ყველა ღვინის ბოთლი დაემტვრია, რაც გავიდა ექსპორტზე,'' - განაცხადა გიორგი ქადაგიძემ გადაცემა ''არჩევანში''

ეროვნული ბანკის პრეზიდენტი მიესალმება ირანთან უვიზო რეჟიმის შემოღებას და იქვე აღნიშნავს, რომ კარგი იქნება თუ ხელისუფლება მსგავს გადაწყვეტილებას ჩინეთთან და ეგვიპტესთან მიმართებაშიც მიიღებს.