რუსულმა სამხედრო თვითმფრინავმა შვედეთის კუნძულ გოთლანდის აღმოსავლეთით, საჰაერო სივრცე დაარღვია. ამის შესახებ ინფორმაციას Reuters-ი შვედეთის შეიარაღებულ ძალებზე დაყრდნობით ავრცელებს. 

შვედეთის შეიარაღებული ძალების განცხადებით, რუსული თვითმფრინავის, SU-24-ის შესაჩერებლად Gripen-ის თვითმფრინავები გაიგზავნა, ვინაიდან დამრღვევმა რადიო-გაფრთხილებას არ უპასუხა.

"ინციდენტი შვედეთის ტერიტორიული მთლიანობისადმი უპატივცემულობის გამოვლინებაა", - განაცხადა საჰაერო ძალების უფროსმა, იონას ვიკმანმა. 

შვედეთის საგარეო საქმეთა მინისტრმა, ტობიას ბილსტრომმა საჰაერო სივრცის დარღვევას "მიუღებელი" უწოდა და თქვა, რომ ოფიციალური სტოკჰოლმი რუსეთის საელჩოს ოფიციალურ პირებს საგარეოში დაიბარებს.

შვედეთის სამხედროებმა განაცხადეს, რომ მსგავსი დარღვევები რუსული თვითმფრინავების მიერ ბოლოს მოხდა 2022 წელს, როდესაც ორმა SU-27-მა და ორმა SU-24-მა თვითმფრინავებმა ასევე დაარღვიეს მათი საჰაერო სივრცე გოთლანდის მახლობლად.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის