ტყიბულში მეშახტეები დაბალ ანაზღაურებას აპროტესტებენ. მათ საქნახშირის წინ ხელფასების გაზრდის მოთხოვნით აქცია გამართეს.

კომპანიის თანამშრომლები უკვე მეორე დღეა გაფიცულები არიან. როგორც აქციის მონაწილეებმა განმარტეს, ხელფასები ბოლო რამდენიმე წლის განმავლობაში, მნიშვნელოვნად შეუმცირდათ.

"ჩვენ ვართ საწყალი ხალხი, ხელფასები არ გვაქვს, ვართ მშიერ-მწყურვალები, უპატრონოდ. ჩვენი უფროსი ყურადღებას არ გვაქცევს, ამათ ჩვენ ვგონივართ პატიმრები, ჩვენი საშუალო ხელფასი არის 450 ლარი და შახტაში 400 მეტრაზე ვმუშაობთ", - განაცხადა აქციის მონაწილემ ვაჟა კირკიტაძემ.

აქციის მონაწილეები მთავრობის წევრებს გვერდში დგომისკენ მოუწოდებენ, წინააღმდეგ შემთხვევაში მათი პოზიცია ოქტომბრის არჩევნებზე აისახება.

საქნახშირი "ჯი-აი-ჯის" დირექცია ტყიბულში მიმდინარე აქციას გამოეხმაურა და როგორც მათ განცხადებაშია ნათქვამი, საპროტესტო აქციის წინაპირობა არ არსებობდა, ამის მიუხედავად კომპანია აქციის მონაწილეებთან კომუნიკაციას აწარმოებს.

„კომპანიის მხრიდან დაცულია ანაზღაურების დროულად მიღების ვადები, დაცულია სახელშეკრულებო პირობები, მეშახტეები უზრუნველყოფილნი არიან დაზღვევის სრული პაკეტით და კომპანიში მუდმივად მიმდინარეობს მეშახტეთა შრომითი პირობების გაუმჯობესებაზე მუშაობა. მიუხედვად იმისა, რომ საპროტესტო აქციის ობიექტური წინაპირობა არ არსებოდა და არ არსებობს, კომპანიის მენეჯმენტი აქციის მონაწილეებთან კომუნიკაციას აწარმოებს”, - ნათქვამია საქნახშირი "ჯი-აი-ჯის" განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება