საქართველოს პრემიერ-მინისტრი, მიუნხენის უსაფრთხოების კონფერენციის ფარგლებში, ორმხრივ შეხვედრებს მართავს.

მთავრობის ადმინისტრაციის ინფორმაციით,  გიორგი კვირიკაშვილი სლოვენიის რესპუბლიკის პრეზიდენტს, ბორუტ პაჰორის შეხვდა.

ათივე ინფორმაციით, შეხვედრის მთავარი თემა ორ ქვეყანას შორის ურთიერთობის საკითხები და თანამშრომლობის გაღრმავების პერსპექტივები იყო. ხაზი გაესვა სავაჭრო-ეკონომიკურ სფეროში ურთიერთობების განვითარების მნიშვნელობას და ამ მიმართულებით არსებულ პოტენციალს.

საუბარი შეეხო საქართველოს ევროპული და ევროატლანტიკური ინტეგრაციის დღის წესრიგს.

ბორუტ პაჰორის თქმით, სლოვენია მტკიცედ უჭერს მხარს საქართველოს ევროკავშირთან ვიზების ლიბერალიზაციის პროცესში. მანვე გამოხატა ევროინტეგრაციის თვალსაზრისით გამოცდილების გაზიარების მზაობა.

გიორგი კვირიკაშვილმა მადლობა გადაუხადა სლოვენიის პრეზიდენტს საქართველოს ტერიტორიული მთლიანობისა და სუვერენიტეტის მხარდაჭერისთვის. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს