"საქართველოს ბანკის" მხარდაჭერით, უკვე მეორე წელია, საქართველოს ინოვაციებისა და ტექნოლოგიების სააგენტო ახალგაზრდებისთვის პროექტს „Code IT” ახორციელებს.

წელს Code It-ის პროგრამაში მონაწილეობა 150-მა ახალგაზრდამ მიიღო. ტრენინგები კი საქართველოს მასშტაბით არსებულ ტექნოპარკებში იმართებოდა, მათ შორის: ოზურგეთში, ბათუმში, ზუგდიდში, სენაკში, კასპში, გურჯაანში, თელავში, ახმეტაში, პანკისსა და თბილისში.

ინიციატივის ფარგლებში, ახალგაზრდები ესწრებოდნენ Web Design-ისა და Web Development-ის მიმართულებით გამართულ ტრენინგებს, რაც შესაძლებლობას აძლევდა მათ, შეეძინათ საბაზისო ცოდნა და გამოცდილება კოდინგის სფეროში.

„საქართველოს ბანკში" გვჯერა ახალგაზრდების და მათი პოტენციალის. სწორედ ამიტომ, მიზნად ვისახავთ ხელი შევუწყოთ მათ განვითარებას და მომავლის პროფესიებით დაინტერესებას. Code IT-ის პროექტი ეს არის შესაძლებლობა ახალგაზრდებისთვის, დაეუფლონ კოდინგის საფუძვლებს, შეიძინონ როგორც თეორიული ცოდნა, ასევე პრაქტიკული გამოცდილება, რაც დაეხმარება მათ მომავალში, განვითარდნენ აღნიშნული მიმართულებით და ჩამოყალიბდნენ სფეროს პროფესიონალებად. ჩვენ კი არ ვჩერდებით და  აქტიურად ვმუშაობთ იმისათვის, რომ შევქმნათ განათლების შესაძლებლობები“, - აღნიშნავს ანა ლომთაძე, "საქართველოს ბანკის" კორპორატიული სოციალური პასუხისმგებლობის მიმართულების ხელმძღვანელი.

ინფორმაციისთვის, სატრენინგო მოდული Web პროგრამირების სამ მიმართულებას აერთიანებს: HTML & Css; JavaScript & Responsive Page; React. ლექციები ონლაინ იმართება, მოსწავლეები კი შეხვედრებს ტექნოპარკებიდან ესწრებიან. ყოველი სატრენინგო სესიის დასრულების შემდეგ, მონაწილეები იღებენ დავალებებს, რომელსაც ჯგუფურად, ე.წ. Peer-to-Peer სწავლების მეთოდოლოგიაზე დაფუძნებით ასრულებენ. პროგრამის მონაწილეები პრაქტიკული სავარჯიშოებით, თეორიულ ცოდნას იღრმავებენ. კურსის დასასრულს კი საბოლოო პროექტებს წარადგენენ, სადაც  მათ მიერ მიღებული თეორიული და პრაქტიკული ცოდნა ფასდება. შემაჯამებელი პროექტები ბაზარზე არსებულ კომპანიებს ეგზავნებათ, რაც ინტერესის შემთხვევაში, პროგრამის მონაწილეებისთვის დასაქმების შესაძლებლობას ქმნის.

ავტორი: R (რეკლამა),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის