2024-03-13 16:05:28, 694 ნახვა
საზოგადოება
თავდაცვის მინისტრი ისრაელის ელჩს შეხვდა
თავდაცვის მინისტრმა, ირაკლი ჩიქოვანმა ისრაელის ელჩთან, ჰადას მეიცადთან გაცნობითი შეხვედრა გამართა. ამის შესახებ ინფორმაციას თავდაცვის უწყება ავრცელებს.
სამინისტროს ცნობით, შეხვედრაზე მინისტრმა ხაზი გაუსვა ხალხთა შორის არსებულ ისტორიულ მეგობრობას, რომელსაც ორი ქვეყნის მჭიდრო პოლიტიკური ურთიერთობები ეფუძნება.
"თავდაცვის მინისტრმა ისრაელის ელჩს საქართველოს სუვერენიტეტისა და ტერიტორიული მთლიანობის მხარდაჭერისთვის მადლობა გადაუხადა.
ირაკლი ჩიქოვანმა დიპლომატს სოლიდარობა გამოუცხადა 2023 წლის 7 ოქტომბერს ისრაელის სახელმწიფოსა და მოქალაქეებზე განხორციელებული ტერორისტული თავდასხმის გამო",- აღნიშნულია სამინისტროს ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
