ევროკავშირმა რუსეთის წინააღმდეგ სანქციების მე-13 პაკეტი მიიღო. აღნიშნული ინფორმაცია ევროკავშირის ოფიციალურ ვებგვერდზე ვრცელდება.

სანქციების ახალი პაკეტი 106 ფიზიკურ და 88 იურიდიულ პირს მოიცავს.

ევროპულმა საბჭომ 27 ახალი სუბიექტი დაამატა იმ სიაში, ვინც მხარს უჭერს რუსეთის სამხედრო და ინდუსტრიულ კომპლექსს უკრაინის წინააღმდეგ ომში.

დასანქცირებული იურიდიული პირები ექვემდებარებიან აქტივების გაყინვას, ხოლო ევროკავშირის მოქალაქეებსა და კომპანიებს ეკრძალებათ მათთვის სახსრები ხელმისაწვდომი გახადონ. ფიზიკური პირები კი ექვემდებარებიან მოგზაურობის აკრძალვას, რაც ხელს უშლის მათ ევროკავშირის ტერიტორიაზე შესვლას და ტრანზიტს.

ამასთან, ევროკავშირმა შემოიღო დამატებითი შეზღუდვები საქონლის ექსპორტზე, რაც ხელს შეუშლის რუსეთის სამრეწველო შესაძლებლობების გაძლიერებას.

ცნობისთვის, ევროკავშირმა თითქმის 2 000 ფიზიკურ და იურიდიულ პირს დაუწესა სანქციები მას შემდეგ, რაც რუსეთმა დაიწყო უკრაინაში სრულმასშტაბური შეჭრა თითქმის ორი წლის წინ.

ავტორი: ექსპრესნიუსი,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის