სამხრეთ კორეის პარლამენტმა დაამტკიცა კანონი, რომლის მიხედვითაც, ქვეყანაში ძაღლის ხორცით ვაჭრობა იკრძალება. ამის შესახებ BBC წერს.

მედიასაშუალების ცნობით, კანონის მიხედვით, ქვეყანაში აიკრძალება ძაღლების მოშენება და დახოცვა მათი ხორცის მოხმარების მიზნით, ასევე ძაღლის ხორცის დისტრიბუცია და გაყიდვა, თუმცა თავად ხორცის მოხმარება არ იქნება უკანონო.

კანონის დარღვევა 3 წლამდე პატიმრობას ითვალისწინებს. ცვლილებები ძალაში 2027 წელს შევა. 

სამხრეთ კორეის მთავრობის ოფიციალური სტატისტიკის თანახმად, 2023 წელს ქვეყანაში, დაახლოებით, ძაღლის ხორცის 1 600 რესტორანი და 1 150 ძაღლის ფერმა მოქმედებდა. 

Gallup-ის გასული წლის კვლევის შედეგების მიხედვით, სამხრეთ კორეაში გამოკითხული ადამიანების მხოლოდ 8%-მა თქვა, რომ ბოლო 12 თვის განმავლობაში გასინჯული აქვს ძაღლის ხორცი. 2015 წელს ეს მაჩვენებელი 27%-ს შეადგენდა.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს