სამსახურებრივი უფლებამოსილების  ბოროტად გამოყენების ბრალდებით,  სასჯელაღსრულების  დეპარტამენტის # მე-17 დაწესებულების  დირექტორი დააკავეს.

ამის შესახებ სასჯელაღსრულებისა და პრობაციის სამინისტროში გამართულ საგანგებო ბრიფინგზე  ადმინისტრაციული დეპარტამენტის უფროსის მოადგილე თეა კაპანაძემ განაცხადა.

მისი თქმით,საქმე ეხება 2015 წლის 1 იანვარს  მე-17 დაწესებულებაში განხორციელებულ ფაქტს, რა დროსაც მჯავრდებულების მხრიდან მსჯავრდებულებზე  ძალადობა მოხდა. გარდა ამისა, კაპანაძის განმარტებით, მოცემულ ფაქტთან დაკავშირებით,  ხსენებულ  სასჯელაღსრულების დეპარტამენტის დაწესებულებაში მოთავსებული 7 პატიმრის მიმართ სამართლებრივი დევნა დაიწყო.

"საქართველოს სასჯელაღსრულებისა და პრობაციის სამინისტროს საგამოძიებო დეპარტამენტის მიერ გამოვლინდა 2015 წლის 1 იანვარს სასჯელაღსრულების დეპარტამენტის #მე-17 დაწესებულებაში განხორციელებული ფაქტი, რა დროსაც ადგილი ჰქონდა მსჯავრდებულთა მხრიდან ასევე მჯსავრდებულებზე ძალადობის შემთხვევას. აღნიშნულთან დაკავშირებით სასჯელაღსრულების დეპარტამენტის დაწესებულებაში მოთავსებული 7 მსჯავრდებულის მიმართ სისხლის სამართლებრივი დევნა დაიწყო და ისინი მიცემულ იქნენ პასუხისმგებაში საქართველოს სისხლის სამართლის კოდექსის 144-ე მუხლის მე-2 ნაწილით.

ასევე, მოცემულ ფაქტთან დაკავშირებით, სამსახურებრივი უფლებამოსილების ბოროტად გამოყენების ბრალდებით დაკავებულია და პასუხისგებაშია მიცემული მე-17 დაწესებულების დირექტორი. საქმეზე გამოძიება გრძელდება საქართველოს სისხლის საამრთლის კოდექსის 332-ე და 144-ე მუხლებით.ინციდენტში მონაწილე ყველა პირი კანონის მთელი სიმკაცრით დაისჯება",-განაცხადა თეა კაპანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა