საქართველოს გარემოს დაცვისა და სოფლის მეურნეობის მინისტრი ოთარ შამუგია დუბაიში, გაეროს კლიმატის ცვლილების კონფერენციის (COP 28) ფარგლებში, გერმანიის ფედერაციული რესპუბლიკის გარემოს, ბუნების დაცვის, ბირთვული უსაფრთხოებისა და მომხმარებელთა დაცვის მინისტრს შტეფი ლემკეს შეხვდა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე ოთარ შამუგიამ დეტალურად ისაუბრა გარემოს დაცვის კუთხით საქართველოში განხორციელებულ და დაგეგმილ პროექტებზე და მინისტრს მადლობა გადაუხადა არაერთი მნიშვნელოვანი პროექტის მხარდაჭერისთვის. როგორც ოთარ შამუგიამ შეხვედრაზე აღნიშნა, ევროკომისიის მიერ 8 ნოემბერს საქართველოსთვის კანდიდატის სტატუსის მინიჭების რეკომენდაციის გაცემა კიდევ ერთი წინგადადგმული ნაბიჯია. საქართველომ 2023 წელს ევროინტეგრაციის მიმართულებით უმნიშვნელოვანეს წარმატებას მიაღწია.

„მიმდინარე წელს გარემოსდაცვითი მიმართულებით მნიშვნელოვანი ნაბიჯები გადაიდგა, მიღებულია წყლის რესურსების და სამრეწველო ემისიებით ვაჭრობის კანონი; ასევე, სულ მალე განვიხილავთ ბიომრავალფეროვნების დაცვის კანონს”, - განაცხადა შამუგიამ.

გარემოს დაცვისა და სოფლის მეურნეობის სამინისტროს ცნობითვე, შეხვედრაზე ხაზი გაესვა დაცული ტერიტორიების გაფართოებისა და სწორი მართვის გეგმის შემუშავების, ასევე, ეკოტურიზმის განვითარების, თანამედროვე ინფრასტრუქტურის მოწყობის მნიშვნელობას, რაც თვისობრივად ხელს უწყობს როგორც ბიომრავალფეროვნების შენარჩუნებას, ასევე ვიზიტორების მოზიდვას.

„შტეფი ლემკემ ოთარ შამუგიას მხარდაჭერა აღუთქვა როგორც ევროინტეგრაციის გზაზე, ასევე მიმდინარე და დაგეგმილი პროექტების განხორციელების პროცესში. ოთარ შამუგიამ, საქართველოს უნიკალური ბუნების გასაცნობად, გერმანელი კოლეგა საქართველოში მოიწვია.

აღსანიშნავია, რომ გაერთიანებული ერების კლიმატის ცვლილების კონფერენცია (COP 28) კლიმატის ცვლილების საკითხებში არსებული მრავალმხრივი გადაწყვეტილებების მიმღები პლატფორმაა. დუბაიში მიმდინარე კონფერენციაში მსოფლიოს თითქმის ყველა ქვეყნის 100 000-ზე მეტი დელეგატი მონაწილეობდა. კონფერენციის ფარგლებში, სხვადასხვა ღონისძიება გაიმართა, მათ შორის, ლიდერთა სამიტი, მინისტერიალები, ორმხრივი შეხვედრები და მოლაპარაკებები“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი