2023-11-28 00:00:06, 744 ნახვა
მსოფლიო
თეთრი სახლი - მომდევნო ორი დღის განმავლობაში „ჰამასმა“ აიღო ვალდებულება, რომ კიდევ 20 მძევალი გაათავისუფლოს
თეთრი სახლის ეროვნული უსაფრთხოების სპიკერი ჯონ კირბი ისრაელსა და „ჰამასს“ შორის მძევლების გათავისუფლების შეთანხმების კიდევ ორი დღით გახანგრძლივებას გამოეხმაურა.
როგორც კირბი აღნიშნავს, მომდევნო ორი დღის განმავლობაში „ჰამასმა“ აიღო ვალდებულება, გაათავისუფლოს კიდევ 20 მძევალი, რომელთა შორის არიან ქალები და ბავშვები.
"დარჩენილი მძევლებიდან რვა-ცხრა ამერიკელია და ვიმედოვნებ, რომ გათავისუფლებულ მძევლებს შორის ამერიკელებიც იქნებიან", - განაცხადა კირბიმ.
ავტორი: ექსპრესნიუსი,
epn.ge (@expressnews.ge)
