2023-11-21 09:28:29, 1088 ნახვა

---

დუდა - თუ რუსეთი არ დამარცხდება, კვლავ განახორციელებს თავდასხმას - უკრაინამ უსაფრთხოების მტკიცე გარანტიები უნდა მიიღოს

თუ რუსეთი არ დამარცხდება, ის კვლავ განახორციელებს თავდასხმას უკრაინაზე, - ამის შესახებ პოლონეთის პრეზიდენტმა, ანჯეი დუდამ განაცხადა.

დუდას თქმით, უკრაინამ უნდა მიიღოს უსაფრთხოების მტკიცე გარანტიები და ეს ნატოში შესვლის გარანტიაა.

"თუ რუსეთი არ დამარცხდება, ის კვლავ განახორციელებს თავდასხმას. ეჭვი არ გვეპარება, რომ დღეს უკრაინა არის ადგილი, სადაც ჩვენი უსაფრთხოების ბედი წყდება... 

როგორც პოლონეთი, მხარს ვუჭერთ უკრაინას და ამის გაკეთებას გავაგრძელებთ. ჩვენი აზრით, ეს უნდა გაკეთდეს სრულ გამარჯვებამდე, ანუ საერთაშორისოდ აღიარებული საზღვრების აღდგენამდე. უკრაინამ უნდა მიიღოს უსაფრთხოების მტკიცე გარანტიები და ჩვენი აზრით, ეს არის ნატოში შესვლის გარანტია. ჩვენ ამ გზაზე ჩვენს მეზობელს მხარს ვუჭერთ...

იმედი მაქვს, რომ პოლონეთის მთავრობა, მიუხედავად პოლიტიკური ბანაკისა, გააგრძელებს იმ პოლიტიკას, რომელიც პოლონეთისა და ევროპული ინტერესების პოლიტიკას წარმოადგენს", - განაცხადა დუდამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი