„არანაირი კონტაქტი ინგუშეთის მთავრობასთან, გზისა და რკინიგზის მშენებლობასთან დაკავშირებით არ ყოფილა და ვერც იქნება“,-ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა ვარკეთილის საკონტეინერო ტერმინალში  ჩინეთიდან პირველი სარკინიგზო მატარებლის შემოსვლის პრეზენტაციის შემდეგ ჟურნალისტებს განუცხადა.
მისი თქმით, აღნიშნული ფაქტი  შეუძლებელია, რადგან  ინგუშეთთან მიმართებაში პოლიტიკურ ველზე, პროგრესი არ არის.  
„არანაირი კონტაქტი ამ კუთხით არ ყოფილა და ვერც იქნება იქიდან გამომდინარე, რომ პოლიტიკურ ველზე, სამწუხაროდ, პროგრესი არ გვაქვს. უფრო მეტიც - არსებულ კონტექსტში რაიმე დამატებითი გზის მშენებლობის განხილვა არის აბსოლუტურად მიზანშეუწონელი. ეს არის ჩვენგან დამოუკიდებლად მიმდინარე პროცესი, არ ვიცი, ინგუშეთში თუ სხვა ადგილებში. ეს არ არის ორმხრივი, ეს არის ცალმხრივი მოძრაობა, რომელსაც, ხაზგასმით ვამბობ, ჩვენ არ შევერთებივართ“,-განაცხადა გიორგი კვირიკაშვილმა.

ცნობისთვის, რუსული მედიის ინფორმაციით, ინგუშეთის მთავრობამ საქართველოსა და ინგუშეთს შორის  გზისა და რკინიგზის მშენებლობის საკითხი განიხილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის