ისრაელი, ღაზას სექტორში, ალ-აჰლის ბაპტისტურ საავადმყოფოში მომხდარი აფეთქებიდან ერთი დღის შემდეგ, დრონით გადაღებულ ვიდეოკადრებს აქვეყნებს.

თავდაცვის ძალები (IDF) ვიდეოკადრებთან ერთად ავრცელებს მცირე განცხადებასაც, რომელშიც უთითებს, რომ აფეთქება გამოიწვია რაკეტამ, რომელიც საავადმყოფოს მიმდებარედ, ავტოსადგომზე ჩამოვარდა, თუმცა დარტყმის შედეგად წარმოქმნილი კრატერი არ შეინიშნება.

IDF-ის მტკიცებით, თუ საავადმყოფოს მიმდებარედ ისრაელის სარაკეტო თავდასხმა განხორციელდებოდა, შედეგები სხვაგვარი იქნებოდა - თავდასხმის ადგილიდან კი ჩანს, რომ ზიანი გამოიწვია რაკეტამ, რომელიც "ისლამურმა ჯიჰადმა" გაუშვა.

"გარდა ამისა, ჰოსპიტლის ირგვლივ შენობები არ დაზიანებულა. ეს კიდევ ერთი დასტურია იმისა, რომ IDF-მ არ დაბომბა ეს ტერიტორია",- აცხადებენ თავდაცვის ძალებში.

შეგახსენებთ, ღაზას სექტორში მდებარე ალ-აჰლის ბატისტურ საავადმყოფოში აფეთქება 17 ოქტომბერს მოხდა. "ჰამასი" ისრაელს ადანაშაულებს მომხდარში, რომელსაც პალესტინის ჯანდაცვის სამინისტროს მტკიცებით, ასობით მშვიდობიანი მოქალაქე ემსხვერპლა.

ავტორი: ექსპრესნიუსი,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა