კანადის პარლამენტის თემთა პალატის სპიკერი ენტონი როტა თანამდებობიდან გადადგა. აღნიშნულის შესახებ ინფორმაციას CBC News-ი ავრცელებს.

მედიის ცნობით, თანამდებობის დატოვების გადაწყვეტილება როტამ მას შემდეგ მიიღო, რაც 22 სექტემბერს, უკრაინის პრეზიდენტის, ვოლოდიმირ ზელენსკის ვიზიტის დროს, მან პარლამენტის სხდომაზე 98 წლის უკრაინელი იაროსლავ ჰუნკა მიიწვია და "გმირი" უწოდა. 

მედიის ცნობითვე, მოგვიანებით ცნობილი გახდა, რომ მეორე მსოფლიო ომის დროს უკრაინელი ვეტერანი გერმანელი ნაცისტების მიერ შექმნილ დივიზიაში მსახურობდა, რომლის ქვედანაყოფი ძირითადად ეთნიკური უკრაინელებისაგან შედგებოდა, რომელსაც ნაცისტები მეთაურობდნენ.

"ჩემმა საჯარო გამოსვლამ შეურაცხჰყო და ტკივილი მიაყენა ბევრ ინდივიდს და საზოგადოებას კანადაში, მათ შორის ებრაულ თემს კანადაში და მსოფლიოს გარშემო. მე ჩემს ქმედებებზე სრულად ვიღებ პასუხისმგებლობას... ამ პალატის მუშაობა ნებისმიერ ჩვენგანზე მაღლა დგას. უნდა გადავდგე თქვენი სპიკერის თანამდებობიდან. კიდევ ერთხელ ღრმა წუხილს გამოვხატავ",- განაცხადა ენტონი როტამ.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით