უკრაინაში ომის შემდეგ, რუსეთი აღარ იარსებებს როგორც სამხედრო საფრთხე, - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა.

მისივე თქმით, უკრაინაში სრულმასშტაბურ შეჭრამდე რუსეთის არმიას "მსოფლიოში მეორე არმიას" უწოდებდნენ და წარმოუდგენლად მიაჩნდათ მასთან წინააღმდეგობის გაწევა.

„როდესაც ვინმე საუბრობს უკრაინის კონტრშეტევაზე, მის სიჩქარეზე, მიმართულებებსა და ეფექტურობაზე, აძლევს რჩევებს ან თავდაჯერებულად აცხადებს, რომ რაღაც „არ მიდის გეგმის მიხედვით“, მთავარია გვახსოვდეს, რომ გუშინ [უკრაინაში სრულმასშტაბურ შეჭრამდე] რუსეთის არმიას სერიოზულად უწოდებდნენ „მსოფლიოში მეორე არმიას“, ისტერიულად ეშინოდათ მისი და არც კი წარმოედგინათ მის წინააღმდეგ ეფექტური ბრძოლა. [...] ყველამ უნდა გამოიჩინოს მოთმინება და ყურადღებით დააკვირდეს უკრაინის შეიარაღებული ძალების მაღალხარისხიან მუშაობას. [...] რუსეთი უკრაინაში ომის შემდეგ სამხედრო საფრთხედ არსებობას შეწყვეტს. ყოველ შემთხვევაში უკრაინისა და ევროპისთვის. ამასობაში, შეტევითი ოპერაციები გრძელდება“, - განაცხადა პოდოლიაკმა. 

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა