შპს „თბილსერვის ჯგუფის“ თანამშრომლებმა ნაძალადევის რაიონში, თბილისის ზღვის მიმდებარე ტერიტორიიდან სამშენებლო ნარჩენები და მეორადი საბურავები გაიტანეს. დასუფთავების აქციაში ჩართული იყო კომპანიის სპეცტექნიკა. აღნიშნულ ინფორმაციას თბილისის მერია ავრცელებს.

სამუშაოებს „თბილსერვის ჯგუფის“ დირექტორი დავით ფაჩულია, ნაძალადევის რაიონის გამგებელი ირაკლი ანდღულაძე და საკრებულოს მაჟორიტარი დეპუტატი ირაკლი ხელაძე გაეცნენ.

„სამწუხაროა, რომ მსგავსი ადგილების დასუფთავების შემდეგ, კვლავ მეორდება სამშენებლო ნარჩენისა და მეორადი საბურავების უკანონოდ განთავსების ფაქტები. ყოველდღიურად ვუხსნით მოქალაქეებს, რომ ეს კანონდარღვევაა. მოსახლეობის მხარდაჭერის გარეშე, მხოლოდ „თბილსერვის ჯგუფისა“ და მუნიციპალური ინსპექციის თანამშრომლები ვერ მოერევიან ამ პრობლემას. აღნიშნულ ტერიტორიაზეც გამკაცრდება კონტროლი და ყველა კანონდამრღვევი პირი დაჯარიმდება“, - განაცხადა დავით ფაჩულიამ.

აღსანიშნავია, რომ სამშენებლო ნარჩენების კანონიერად განთავსების შესახებ ინფორმაციის მიღება შესაძლებელია „თბილსერვის ჯგუფის“ ცხელ ხაზზე - 2 61 90 50

ავტორი: NS (სტატია დაფინანსებულია),

სოციალური ქსელები

შსს-ს ცენზურის დეპარტამენტის წარმომადგენელი - სასამართლომ არ უნდა მიიღოს ფორმალური გადაწყვეტილებები

ევროპარლამენტარი მიხაელ გალერი: საბჭოთა საქართველო რეალობად იქცევა

FBI-ის ხელმძღვანელი რუსეთში „უჩვეულო და მგრძნობიარე“ ვიზიტს გეგმავს

ზურაბიშვილი ვახო სანაიას დაპატიმრებაზე: ტოტალური ცენზურა, რუსული სტილით