სამი სატვირთო გემი ბერძნული, ისრაელის და თურქულ-ქართული რეგისტრაციით კვირას მივიდა უკრაინის მარცვლეულის ერთ-ერთ ტერმინალზე დუნაის დელტაში, იტყობინება ჟურნალი Forbes.

ეს არის პირველი შემთხვევა, როდესაც უცხოური გემები უკრაინის პორტებში შედიან მას შემდეგ, რაც რუსეთმა უარი თქვა ეგრეთ წოდებული მარცვლეულის შეთანხმების განახლებაზე, რომლის მიხედვითაც უკრაინული მარცვლეული უკრაინის შავი ზღვის პორტებიდან მთელს მსოფლიოში მომხმარებლებზე გაიგზავნება. რუსეთმა ასევე გააფრთხილა, რომ უკრაინის პორტებისკენ მიმავალი ყველა გემი განიხილება სამხედრო ტვირთის პოტენციურ მატარებლად.

„ცნობები იმის შესახებ, რომ სამმა სამოქალაქო გემმა დაუბრკოლებლად მიაღწია უკრაინას, შეიძლება მიუთითებდეს, რომ რუსეთს ან არ სურს ან არ შეუძლია განახორციელოს გემების ძებნა ამ მომენტში“, - ციტირებს Forbes-ის კომენტარს ომის შესწავლის ინსტიტუტი.

ღია წყაროებიდან მიღებული ინფორმაციით, სატვირთო გემი Yilmaz Kaptan, რომელიც Forbes-ის გამოცემაში თურქულ-ქართულ სიაშია შეტანილი, ვანუატუს დროშით მიცურავს. ის 21 ივლისს ფოთის პორტში იყო, რის შემდეგაც უკრაინისკენ გაემართა. გემი ამჟამად დუნაის დელტასთან ახლოს მდებარეობს.

ჟურნალ Forbes-ის ცნობით, გემები ტრანსპონდერებით მიცურავდნენ და არ მალავდნენ კურსს. მათ გავლას ნატოს ოთხი სადაზვერვო თვითმფრინავი აკონტროლებდა. ამ თვითმფრინავებიდან არცერთი არ არის შეიარაღებული, მაგრამ ნატოს საბრძოლო თვითმფრინავები რუმინეთში მზადყოფნაშია.

მარცვლეულის გარიგებაში მონაწილეობაზე რუსეთის უარის თქმიდან მალევე, საპატრულო გემი „სერგეი კროტოვი“ შავი ზღვის სამხრეთ ნაწილში გაიგზავნა. ის არ ცდილობდა შეეჩერებინა ისმაელისკენ მიმავალი უცხოური გემები.

ოდესა, საიდანაც უკრაინული მარცვლეულის მნიშვნელოვანი ნაწილი გადიოდა ექსპორტზე, ბოლო დროს რუსეთის მუდმივი სარაკეტო თავდასხმების სამიზნე გახდა. კიევი იმედოვნებს, რომ შესაძლებელი იქნება დუნაის დელტას პორტებიდან მარცვლეულის ექსპორტის ორგანიზება.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა