2023-08-01 10:22:11, 1383 ნახვა
ომი უკრაინაში
რუსეთმა ხარკოვზე დრონებით იერიში მიიტანა [ვიდეო]
რუსეთმა წუხელ ხარკოვზე "კამიკაძე" დრონებით თავდასხმა განახორციელა. უკრაინული მედიის ცნობით, იერიშის შედეგად დაღუპულთა და დაშავებულთა შესახებ ინფორმაცია არ გავრცელებულა.
როგორც მედია ხარკოვის რეგიონული სამხედრო ადმინისტრაციის უფროსზე, ოლეგ სინეგუბოვზე დაყრდნობით წერს, დრონმა ერთ-ერთი საერთო საცხოვრებლის ორი სართული გაანადგურა.
"ოკუპანტებმა ხარკოვს "კამიკაძე" დრონებით დაარტყეს. თავდასხმის შედეგად ქალაქში ხანძარი გაჩნდა. ადგილზე მუშაობს სასწრაფო დახმარების ყველა სამსახური",- დაწერა სინეგუბოვმა Telegram-ზე.
ავტორი: ექსპრესნიუსი,
epn.ge (@expressnews.ge)
