2023-07-11 17:46:22, 1189 ნახვა
მსოფლიო
ვოლოდიმირ ზელენსკი ვილნიუსში, NATO-ს სამიტზე დასასწრებად ჩავიდა
უკრაინის პრეზიდენტი ვოლოდიმირ ზელენსკი ვილნიუსში, NATO-ს სამიტზე ჩავიდა. აღნიშნულის შესახებ ინფორმაციას უკრაინული მედია ავრცელებს.
მედიის ცნობითვე, ვილნიუსში ჩავიდა უკრაინის პირველი ლედი ოლენა ზელენსკაც.
შეგახსენებთ, 11-12 ივლისს ლიეტუვის დედაქალაქ ვილნიუსში ნატოს სამიტი იმართება.
გარდა ამისა, ცოტახნის წინ NATO-ს სამიტზე ჩავიდა ასევე უკრაინის თავდაცვის მინისტრი ოლექსი რეზნიკოვი.
აღსანიშნავია, რომ მანამდე, ზელენსკიმ Twitter-ზე უკმაყოფილება გამოთქვა სიგნალების გამო, რომელთა მიხედვით, მისი თქმით, NATO-ს სამიტზე უკრაინის შესახებ ტექსტი უკრაინის მონაწილეობის გარეშე განიხილება.
ავტორი: ექსპრესნიუსი,
epn.ge (@expressnews.ge)
