უკრაინის პრეზიდენტმა, ვოლოდიმირ ზელენსკიმ ხელი მოაწერა განკარგულებას 9 მაისს ევროპის დღის აღნიშვნის შესახებ. ამის თაობაზე ვოლოდიმირ ზელენსკიმ ვიდეომიმართვაში განაცხადა.

ზელენსკის თქმით, 9 მაისიდან, უკრაინელები პატივს მიაგებენ ყველა ევროპელის ერთობას, ვინც გაანადგურა ნაციზმი და დაამარცხებს რაშიზმს. 

„ბევრი წლის წინ ჩვენს კონტინენტზე დამკვიდრდა ტრადიცია, რომ აღვნიშნოთ ევროპის დღე 9 მაისს, აღვნიშნოთ მიღწეული მშვიდობა და ერთიანობა.

დღეს ჩვენს კონტინენტზე ერთიანობა  ჩვენი მშვიდობის პირველი დღის აღნიშვნასთან გვაახლოებს, სწორი იქნება ევროპის დღე მთელ თავისუფალ ევროპასთან ერთად აღვნიშნოთ. დღეს მე ხელი მოვაწერე შესაბამის განკარგულებას და ყოველწლიურად ხვალიდან, 9 მაისიდან, ჩვენ პატივს მივაგებთ ჩვენს ისტორიულ ერთობას - ყველა ევროპელის ერთობას, ვინც გაანადგურა ნაციზმი და დაამარცხებს რაშიზმს. ერთობა მშვიდობას აახლოებს “,- განაცხადა ზელენსკიმ.

მისივე თქმით, უკრაინის უზენაეს რადას წარედგინა კანონპროექტი, რომელიც 1939-1945 წლების მეორე მსოფლიო ომში 8 მაისის ხსოვნისა და ნაციზმზე გამარჯვების დღედ დაწესებას სთავაზობს.

„როგორც მაშინ ერთად ვანადგურებდით ბოროტებას, ახლაც ერთად ვანადგურებთ მსგავს ბოროტებას. სამწუხაროდ, ბოროტება დაბრუნდა. მიუხედავად იმისა, რომ აგრესორი ახლა განსხვავებულია, მას აქვს იგივე მიზანი - დამონება ან განადგურება და როგორც მაშინ თავისუფალი ხალხის საერთო ძალას ვეყრდნობოდით, ახლაც თავისუფალ სამყაროსთან ერთად, თავისუფალ ევროპასთან ერთად ვიბრძვით ბოროტების წინააღმდეგ. ჩვენ გავიმარჯვებთ! ეს იქნება ჩვენი გამარჯვების დღე - უკრაინის გამარჯვების დღე",- დასძინა ზელენსკიმ.

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს