გარემოს დაცვისა და სოფლის მეურნეობის მინისტრის მოადგილე ნინო თანდილაშვილი საქართველოში ევროკავშირის წარმომადგენლობის ატაშეს, გარემოს დაცვის, კავშირის, ეკონომიკური და საინვესტიციო გეგმის საკითხებში  გუნდის ხელმძღვანელს ლიზე ვანვეიმელბეკეს შეხვდა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, ნინო თანდილაშვილმა შეხვედრაზე ევროინტეგრაციის პროცესში გარემოსდაცვითი მიმართულებით, მათ შორის,  გარემოსდაცვითი მმართველობა, ატმოსფერული ჰაერის დაცვა და წყლის რესურსების მართვა, ტყის მდგრადი მართვა და ბიომრავალფეროვნების დაცვა, კლიმატის ცვლილებასთან ბრძოლა, სამრეწველო საფრთხეები, ქიმიური ნივთიერებებისა და ნარჩენების მართვა, განხორციელებულ რეფორმებსა და მიღწეულ შედეგებზე ისაუბრა.

„ნინო თანდილაშვილმა გარემოსდაცვითი მიმართულებით ევროკავშირის მხარდაჭერის მნიშვნელობას გაუსვა ხაზი.

მხარეებმა ევროკავშირის დაფინანსებით ტექნიკური დახმარების ორი პროექტის მიმდინარეობის საკითხებიც განიხილეს. პროექტი „საქართველოში გარემოს დაცვისა და კლიმატის ცვლილების წინააღმდეგ ბრძოლის მხარდაჭერა“ მიზნად ისახავს საქართველოს მთავრობის მხარდაჭერას ევროინტეგრაციის პროცესის გაღრმავებაში ასოცირების შესახებ შეთანხმებისა და ასოცირების დღის წესრიგის პრიორიტეტების გათვალისწინებით, ხოლო პროექტი „საქართველოში ნარჩენების მართვისა და ცირკულარული ეკონომიკის განვითარების ხელშეწყობა“ მიზნად ისახავს ქვეყნის სოციალურ-ეკონომიკური და ცირკულარული ეკონომიკის შემდგომი განვითარების მხარდაჭერას.

შეხვედრას „საქართველოში გარემოს დაცვისა და კლიმატის ცვლილების წინააღმდეგ ბრძოლის მხარდაჭერა“ ტექნიკური დახმარების პროექტის გუნდის ლიდერი რობ ბაქსი ესწრებოდა“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს