საქართველოს პროკურატურის ორგანიზებით მიმდინარე „ორგანიზებული დანაშაულის წინააღმდეგ'' საინფორმაციო კამპანიის ფარგლებში, პროკურორები გორის  სახელმწიფო სასწავლო უნივერსიტეტის სტუდენტებს შეხვედნენ.

გენერალური პროკურატურის ცნობით, შეხვედრაზე, პროკურორებმა სტუდენტებს ე.წ. ქურდული სამყაროს წევრობისა და „კანონიერი ქურდობის" დანაშაულის წინააღმდეგ პროკურატურის მიერ განხორციელებული ღონისძიებების და არსებული გამოწვევების შესახებ მიაწოდეს ინფორმაცია. ასევე, პროკურატურის წარმომადგენლებმა აღნიშნულ დანაშაულთან დაკავშირებით მოქმედი კანონმდებლობის და ევროპული სასამართლოს მიდგომის შესახებ ისაუბრეს და პრაქტიკული მაგალითები განიხილეს.

"დასასრულს, შეხვედრის მონაწილეებმა გამოთქვეს მოსაზრებები და პროკურორებისგან მათთვის საინტერესო საკითხების შესახებ ამომწურავი პასუხები მიიღეს.

საინფორმაციო კამპანია - „ორგანიზებული დანაშაულის წინააღმდეგ ბრძოლა" პროექტ „საზოგადოებრივი პროკურატურის" ფარგლებში მიმდინარეობს, რომლის მიზანია აღნიშნული კატეგორიის დანაშაულის პრევენცია და საზოგადოების ცნობიერების ამაღლება.

კამპანიის ფარგლებში, საზოგადოების წარმომადგენლებთან შეხვედრები საქართველოს სხვადასხვა რეგიონსა და ქალაქში აქტიურად გაგრძელდება", - ნათქვამია პროკურატურის ინფორმაციაში.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს