ფინანსთა მინისტრი ლაშა ხუციშვილი სამუშაო ვიზიტით უნგრეთში იმყოფება. ვიზიტის ფარგლებში, ლაშა ხუციშვილი უნგრეთის ვიცე-პრემიერსა და ფინანსთა მინისტრს, მიჰაი ვარგას შეხვდა.

ფინანსთა სამინისტროს ცნობით, მხარეებმა ისაუბრეს ორმხრივი თანამშრომლობის საკითხებზე.

"ფინანსთა მინისტრმა კოლეგას მიაწოდა ინფორმაცია ქვეყანაში არსებული მაკროეკონომიკური ვითარების, მიმდინარე ეკონომიკური და სტრუქტურული რეფორმების შესახებ.

ხაზი გაესვა ორ ქვეყანას შორის ენერგეტიკის სფეროში დაწყებული სტრატეგიული თანამშრომლობის მნიშვნელობას. კერძოდ, საუბარი შეეხო კავკასიის რეგიონისა და ევროპის დამაკავშირებელი შავი ზღვის წყალქვეშა ელექტროკაბელის ისტორიულ პროექტს, რომელიც უზრუნველყოფს ევროკავშირთან დაკავშირებადობის გაზრდასა და რეგიონის ენერგოუსაფრთხოების განმტკიცებას.

შეხვედრაზე კიდევ ერთხელ დადასტურდა მხარდაჭერა საქართველოს ევროპული მისწრაფების მიმართ.

შეხვედრას დაესწრნენ უნგრეთის ფინანსთა სამინისტროს სახელმწიფო მდივანი ტიბორ ტოტი, საქართველოს ფინანსთა მინისტრის მოადგილე ეკატერინე გუნცაძე, საქართველოს საგანგებო და სრულუფლებიანი ელჩი უნგრეთში თამარ ლილუაშვილი", - აღნიშნულია ფინანსთა სამინისტროს ინფორმაციაში. 

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს