კანადამ უკრაინისთვის $28.9 მილიონის ღირებულების სამხედრო დახმარების პაკეტი დაამტკიცა. აღნიშნულის შესახებ უკრაინული მედია კანადის თავდაცვის მინისტრის, ანიტა ანანიდის განცხადებაზე დაყრდნობით ავრცელებს.

მედიის ცნობით, დახმარების პაკეტი 40 ცალ სნაიპერულ შაშხანას, Leopard 2-ის ტიპის ტანკებისთვის განკუთვნილ 16 რადიოსადგურს და NATO-ს მიერ შექმნილ კიევის დახმარების ფონდში კონტრიბუციას მოიცავს.

"დღეს კანადის მიერ გამოცხადებული შემოწირულობები და მხარდაჭერა დაეხმარება უკრაინას მიაწოდოს ყველაფერი, რაც აუცილებელია მისი სუვერენიტეტის, დამოუკიდებლობისა და ტერიტორიული მთლიანობის დასაცავად“,- განაცხადა ანიტა ანანიდმა.

მისივე თქმით, კანადის მიერ გამოგზავნილი Leopard 2-ის ტანკები უკვე პოლონეთშია, სადაც უკრაინელ ჯარისკაცებს კანადელი ინსტრუქტორები ამ ტექნიკის მართვას ასწავლიან.

შეგახსენებთ, რომ დღეს ევროკომისარმა კრიზისების მართვის საკითხებში, იანეზ ლენარჩიჩმა განაცხადა, რომ ევროკავშირი უკრაინას ჰუმანიტარული დახმარებისთვის კიდევ 55 მილიონ ევროს გამოყოფს, რაც ქვეყანას მომავალი ზამთრისთვის მომზადებაში დაეხმარება.

ავტორი: ექსპრესნიუსი,

სოციალური ქსელები

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს

Hürriyet: თურქეთის მიერ რუსეთისგან შეძენილი S-400-ები სპარსეთის ყურის ერთ-ერთ ქვეყანას მიჰყიდეს