თურქეთის პრეზიდენტმა, რეჯეფ თაიფ ერდოღანმა რუსეთის პრეზიდენტს, ვლადიმერ პუტინს სატელეფონო საუბრის დროს უკრაინაში ომის დაუყოვნებლივ  შეწყვეტისკენ  მოუწოდა.  ერდოღანმა, ასევე, მადლობა გადაუხადა პუტინს შავი ზღვის შეთანხმების გაგრძელებისთვის. 

შავი ზღვის მარცვლეულის შეთანხმება, რომელმაც უკრაინას საკვები პროდუქტების ექსპორტის განახლების საშუალება მისცა მას შემდეგ, რაც რუსეთის შემოჭრამ ქვეყანაში რამდენიმე პორტი ჩაკეტა, გასულ კვირას გაგრძელდა. კიევმა და მოსკოვმა მარცვლეულის შეთანხმებას თავდაპირველად ხელი გასულ ზაფხულს, გაეროსა და თურქეთის ეგიდით მოაწერეს.

კრემლის პუტინ-ერდოღანის სატელეფონო საუბრის შემდეგ გავრცელებულ განცხადებაში წერია, რომ ლიდერებმა სირიაში არსებული ვითარებაც განიხილეს. ხაზი გაუსვეს "თურქეთსა და სირიას შორის ურთიერთობების ნორმალიზების პროცესის გაგრძელების აუცილებლობას" და მასში "რუსეთის, როგორც შუამავლის კონსტრუქციულ როლს".

ავტორი: ექსპრესნიუსი,

სოციალური ქსელები

ევროპარლამენტარი მიხაელ გალერი: საბჭოთა საქართველო რეალობად იქცევა

FBI-ის ხელმძღვანელი რუსეთში „უჩვეულო და მგრძნობიარე“ ვიზიტს გეგმავს

ზურაბიშვილი ვახო სანაიას დაპატიმრებაზე: ტოტალური ცენზურა, რუსული სტილით

საქართველოში სოფლის ოჯახების რაოდენობა ათი წლის განმავლობაში ერთი მეოთხედით შემცირდა