რუსეთის თავდაცვის სამინისტრო, პირველი აპრილიდან, საკონტრაქტო სამსახურში 400 000 ადამიანის გაწვევას გეგმავს. აღნიშნულის შესახებ ინფორმაციას რუსული მედია ავრცელებს. 

მედიის ცნობით, შესაბამისი ინფორმაცია უკვე გაიგზავნა რუსეთის რეგიონებში, გუბერნატორები კი მოსამზადებელ სამუშაოებს აწარმოებენ.

მათივე ინფორმაციით, რიცხვი 400 000 გამომდინარეობს რუსეთის ფედერაციის რეგიონებში გაგზავნილი ბრძანებების ანალიზიდან, რომელშიც მითითებულია იმ ადამიანების რაოდენობა, ვისთანაც უნდა გაფორმდეს ხელშეკრულება სამხედრო სამსახურის შესახებ.

"თავდაცვის სამინისტროს გეგმების მიხედვით, ჩელიაბინსკის და სვერდლოვსკის რაიონებში 10 000 ადამიანი უნდა შევიდეს სამხედრო სამსახურში, ხოლო პერმის მხარეში 9 000",- წერს მედია. 

აღსანიშნავია, რომ რუსეთის თავდაცვის მინისტრის, სერგეი შოიგუს გეგმის მიხედვით, 2023 წლის ბოლომდე სამხედრო მოსამსახურეების რაოდენობა 400 000 ადამიანიდან 521 000-მდე უნდა გაიზარდოს.

შეგახსენებთ, რომ 2022 წლის 21 სექტემბერს, რუსეთის პრეზიდენტმა, ვლადიმერ პუტინმა ნაწილობრივი მობილიზაცია გამოაცხადა. 

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს