დონეცკის ოლქში, სოლედარში ამ დროისთვის 559 ადამიანი რჩება, მათ შორის 15 ბავშვია,- ამის შესახებ დონეცკის რეგიონალური სამხედრო ადმინისტრაციის ხელმძღვანელმა, პაველ კირილენკომ განაცხადა.

მისი თქმით, გუშინ მათ მოახერხეს ქალაქ სოლედარიდან შვიდი ადამიანის ევაკუაცია.ქალაქში დარჩენილთა შორის 7-დან 15 წლამდე 15 ბავშვია.

„როგორც კი შესაძლებელი იქნება ევაკუაციის განსახორციელებლად იქ მისვლა, ჩვენ, რა თქმა უნდა, განვახორციელებთ“,- განაცხადა კირილენკომ.

მისივე თქმით, ამ ადამიანებს, რომლებიც რჩებიან სოლედარში, აქვთ საკვების საჭირო მარაგი და ჰიგიენური საშუალებები.

შეგახსენებთ, რომ მანამდე რუსეთის დაქირავებული ჯგუფის "ვაგნერის" ხელმძღვანელმა, ევგენი პრიგოჟინმა განაცხადა, რომმისმა ძალებმა უკრაინის ქალაქ სოლედარის აღება დაასრულეს და ახლა ქალაქს აკონტროლებდნენ.

მოგვიანებით აღმოსავლეთის ძალების ჯგუფის სპიკერმა სერგეი ჩერევატიმ ხაზგასმით აღნიშნა , რომ მსგავსი განცხადებები სიმართლეს არ შეესაბამება.

ავტორი: ექსპრესნიუსი,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები