ბათუმში, დილის საათებში ლუკა ასათიანისა და ფარნავაზ მეფის ქუჩების კვეთაზე მდებარე „ლიბერთი ბანკის“ შენობას ცეცხლი გაუჩნდა და მთლიანად დაიწვა. 

ჯერჯერობით უცნობია რა გახდა ხანძრის გამომწვევი მიზეზი, თუმცა „ლიბერთი ბანკის“ ბათუმის ფილიალის მენეჯერის, სალომე ქარქაძეს ინფორმაციით, ცეცხლი, სავარაუდოდ, სადენებმა გამოიწვია. 

ხანძარი ამ დროისათვის ლიკვიდირებულია და ზარალის ოდენობა უცნობია. 

"შიგნით ვერ შევდივართ. რვის ნახევარზე მომივიდა ინფორმაცია, როკ იყო ცეცხლი, მოვედით და დაგვხვდა ეს სურათი. თანხა საცავში იყო და დამწვარი არ არის, მაგრამ რა დაზიანდა ვერ გეტყვით, ვერ შევდივარ, სწრაფად მოხდა ცეცხლის ჩაქრობა. სავარაუდოდ, სადენებს გაუჩნდა",- განაცხადა ბანკის მენეჯერმა. 

აღნიშნულ ფაქტზე შინაგან საქმეთა სამინისტრომ გამოძიება სისხლის სამართლის კოდექსის 188-ე მუხლის მეორე ნაწილით დაიწყო, რაც ნივთის დაზიანებას ან განადგურებას, ჩადენილს ცეცხლთან ან მომეტებული საფრთხის წყაროსთან გაუფრთხილებელი მოპყრობით გულისხმობს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს